وبلاگ شکرستان مالستان سالگرد شهادت "آته قوم" ، "بابه کلان ملت" رهبرشهید استاد مزاری ره به همه قوما وعموم ملت افغانستان تسلیت عرض می کنه.

شکرستان مالستان گزارش از سالگرد رهبرشهید ده کابل ره از روزنامه هشت صبح کپی کرده خدمت تان پســـــــــــــــــــــــــت می کُنه.

 

هرسال سالگرد این آدم  کلان و پدر دلسوز ما ده سراسر جهان برگزار می شه اما ده کابل باشکوه تر از جایای دیگه است. کته سرا  ار کدام بخشه خو مزاری ره لیلام مونه. ده نام مزاری از خود خو تبلیغ مونه خود خو ده بغل مزاری می چسپیننه که ده سایه مزاری اونا هم کته شونه ولی نموشه ازخاطری که مزاری خیلی خیلی کته بود یا ام خیلی خیلی ریزه یه ریزه که ده بیخ کته قرار بیگره بسیار بسیار ریزه مالوم موشه. کتگی مزاری ده ای بود که ده معنی واقعی "رهبر" و "پدر" قوم بود. نوکری و چاپلوسی هیج کس و هیج قوم و هیج کشور ره قبول نداشت و مردم خو ره ده هیج کس سودا نمو کد ولی ای رهبرا ره که ما می نیخشوم  هر کجا که پول کلو باشه اونمونجی یه دیگه ده راستی و فایده مردم و... سرشی درک نموشه.

حتی مردم موگه : بازی ازی رهبرا بیخی ماش خور و حقوق بگیر استخبارات باز کشورا یه و ما ده ما ماش شی بلده شی اواله موشه و موتر و خانه و......  رهبری که ده ای رقم نموشه. ای کارا ره باید "دکان داری"‌و "مردم فروشی" بوگه نه رهبری.

 

 

خو،‌ ازی گپا تیرشونی که هرچی بوگی اوقات آدم زیاد تر تلخ موشه. اینالی پوف و پتاق چندنی از یاره گوش کین که روزنامه هشت صبح نشر کیده: